Kubłanje je zasadnje wažne – za wobydlerjow w regionje kaž tež za wuspěšne wuwiće wokrjesa.

Z našim projektom „Přichod z kubłanjom w Zhorjelskim wokrjesu: Z energiju a bjez hranicow!“ smy wot nowembra 2009 při tym, kubłanske wuměnjenja na městnje optiměrować. Z pomocu přeswědčiweho koncepta je so nam poradźiło, so stać z jednym wot cyłkownje 40 modelowych regionow zwjazkoweho programa  LernenvorOrt.

Hłowny zaměr je, zo móžemy wšitkim wobydlerkam a wobydlerjam wokrjesa wuspěšne kubłanske puće poskićeć a zmóžnjeć. To zaso hodźi so jenož z wothłosowanym kubłanskim systemom docpěć, kiž ma bjezposrědnje w našim regionje nastać a w kotrymž wšitcy akterojo zhromadnje za jedyn postronk ćahnu. Za to su cyle dokładne kaž tež běžnje na so nawjazowace kubłanske poskitki za wšě fazy wuknjenja – započejo při wuknjenju w zažnym dźěćatstwje hač do wuknjenja we wysokej starobje –  trěbne. Hižo wobstejace poskitki měli so dale wutwarjeć a so lěpje ze sobu splesć. Wone měli za kóždeho – njehladajo na jeho socialny wobswět a kulturne korjenje – transparentne a přistupne być. Při tym chcemy wosebje naše regionalne sylnosće wužiwać – naš wokrjes na inowatiwny energijowy region wutwarjeć a wjacerěčnosć w němsko-pólsko-čěskim třiróžkowym regionje spěchować.

Tutón modelowy projekt ma so w zamołwitosći Zhorjelskeho wokrjesa zhromadnje z agenturu PONTES w Mjezynarodnym zetkawanskim centrumje Marijiny Doł přewjedować a zwoprawdźeć.

Kmótřistwa:

Załožba Mjezynarodny zetkawanski centrum Marijiny Doł (Stiftung Internationales Begegnungszentrum (IBZ) St. Marienthal)
Němska dźěćaca a młodźinska załožba (Deutsche Kinder- und Jugendstiftung - DKJS)
Němska zwjazkowa załožba za přirodu (Deutsche Bundesstiftung Umwelt  - DBU)